粵語應用語言學研討會

由香港粵語應用語言學學會（CALA）與香港語言學學會（LSHK）聯合主辦，香港理工大學專業及持續教育學院語文及傳意學部（LC, CPCE, PolyU）合辦嘅第一屆粵語應用語言學研討會 × 第九屆粵語語言學論壇聯合會議，已於 2026 年 7 月 4 日（星期六）喺香港理工大學西九龍校園圓滿舉行。

衷心感謝每一位講者、主持、工作人員，以及親身到場同線上參與嘅朋友！今次研討會線上及線下共有 142 位參加者，由朝到晚，一齊用廣東話分享研究、交流學術、討論語言議題，充分展現粵語作為學術語言嘅活力同可能性。

會後，不少參加者都表示：「好掛住呢個氣氛。」呢句說話正正反映咗大家對粵語學術交流嘅熱情，同埋對建立粵語學術社群嘅認同。

再次感謝大家嘅支持！期待未來再次與大家相聚，繼續推動粵語理論語言學同粵語應用語言學嘅研究與發展。